شرح Autoload Classes With Composer in PHP
إحنا ليه محتاجين نستخدم الـ Autoloading? لو أنت بتبني مشروع بلغة PHP ، غالباً هتحتاج تستخدم Libraries أو Classes أو حتى Functions موجود جوة ملف تاني. عشان تستخدم الـThird-Party أو كود من ملف تاني غير الملف الحالي فأنت هنا محتاج تدمج الملفين في بعض أو بصورة أدق، أنت محتاج تضمنهم في الكود بتاعك وطبعاً مش هينفع نعمل Copy-Past أكيد أنت عارف ليه. طبعاً أول حل هيجي في بالك أنت تعمل include أو تعمل require و دا فعلاً حل مناسب جداً لو أنت بتعمل مشروع صغير، بس حتى لو المشروع بتاعك مش ضخم فأنت هتقابلك مشكلة في المستقبل وهي إن المشروع بتاعك كل فترة بيكبر منك وكُل ما المشروع بيكبر أنت عمال تعمل include و require للكل الملفات اللي محتاجها ودا هيسبب مشكلتين: أول مشكلة أن هيخليك مش هتقدر تعمل Maintain للكود بتاعك بسهولة. المشكلة التانية إنك بقيت بتضطر تعمل include لملفات أنت مش محتاجها كتير أو محتاج جزء صغير منها ودا هيسبب حاجة إسمها: Memory footprint تقدر تقرأ عنها من الرابط دا طيب وإيه الحل؟ الحل إنك تعمل include للملفات أو الـ Classes لما تبقا بس محتاجها، ودا أبسط تعريف للــ Autoloading